İranda êsselär küzätelä

İran başqalası Tähranda qızular arqasında barlıq däwlät oyışmaları 1 köngä yabıldı.

İran xökümäteneñ mäğlümat birü şurası yasağan yazmaça belderügä kürä älege qarar ildä küzätelüçe êsse hawa arqasında xalıq sälamätlegen saqlaw häm ênergiya qulllanışın idarä itü maqsatı belän qabul itelde.

Qararğa kürä yärdäm kürsätü xezmätlärennän tış Tähran häm Älbruz provinśiyalärendä barlıq däwlät oyışmaları häm banklar yabıq bulaçaq.

13 provinśiyadä isä barlıq däwlät oyışmaları häm banklar cirle waqıt belän irtänge 6 häm 10 arasında xezmät kürsätäçäk.

İrannıñ kön’yağındağı qayber töbäklärdä temperatura 50 graduska yaqınaydı, meteorologiya farazlarına kürä Tähranda hawa däräcäse 41 bulaçaq.

İranda 26-27 iyul’ könnärendä dä qızular arqasında yal iğlan itelgän ide.