İzrail-Livan höcümnäre häm AQŞnıñ iminlek kisätüe

Livan sälamätlek saqlaw ministrlığı İzrail köçläreneñ Livannıñ çik buyı sızığında urnaşqan Däyr Sryan cirlegenä oyıştırğan hawa höcümendä ülüçelär turında belderü yasadı.

Belderüdä 17 yäşendäge ber qız balanıñ häläq buluı, 6 keşeneñ yaralanuı citkerelde.

Töbäktäge törle xastaxanälärgä salınğan yaralanuçılar arasında xäleneñ bik awır buluçılarnıñ buluı belderelde.

Şul uq waqıtta Livannıñ kön’yağınnan İzrailgä taba distälägän raketa cibärelde.

İzrail hawa saqlanu sistemalarınıñ ırğıtılğan raketalarnı yuq itüe kürende.

İzrail armiyäse tönlä çik buyı töbägendä kim digändä ike tapqır fal’şfeyer ırğıtqan.

İzrail armiyäsennän yasalğan yazmaça belderügä kürä dä, Livannıñ kön’yağınnan ırğıtılğan distälärçä raketanıñ küpçelege totqarlanğan.

Höcüm belän bäyle bularaq “Xizbullah”tan yasalğan belderüdä isä İzrailneñ tön’yağındağı Bäyt Hillel qanunsız toraq cirlegeneñ distälägän katyuşa raketası belän nişan itep alınuı turında äytelde.

“Xizbullah” höcümneñ İzrailneñ kiçä Livannıñ kön’yağındağı 2 töbäkkä oyıştırğan höcümgä cawap buluın belderde.

Şul arada Amerika Quşma Ştatlarınıñ Bäyrut ilçelege watandaşlarına yasağan iminlek kisätüendä: "Livannan kitärgä teläwçelär oçış xäzer ük bulmasa yäki saylağan marşrutları ütälmäsä dä xätta üzlärenä uñaylı teläsä qaysı biletnı alarğa täşviq itäbez”, - dip äytte.

AQŞ däwlät departamentı İzrail belän “Xizbullah” arasında artqan kiyerenkelek arqasında 1nçe avgustta watandaşların "Livanğa säyäxät itmäw” kisätüen yasağan ide.

Amerika Quşma Ştatları, Niderland, Hindstan, Angliyä, Germaniyä, Şveyśariyä, İtaliyä, Greśiyä, Franśiyä häm Pol’şa hawa yulı firmaları Yaqın Könçığışta yäşängän soñğı xällär arqasında iminlek säbäbe belän İzrailgä häm Livanğa qayber oçışlarnı ğamäldän çığaruların beldergän ide.