“Xizbulla” xäräkäteneñ komandirlarınnan berse üterelde

İzrail armiyäseneñ Livannıñ başqalası Bäyrutta oyıştırılğan hawa höcümendä “Xizbulla” xäräkäteneñ komandirlarınnan berse Fuad Şükür üterelde.

İzrail armiyäsennän yasalğan belderüdä üterelgän komandirnıñ “Xizbulla”nıñ liderı Xäsän Nasrallaxnıñ “uñ qulı” buluı äytelä. Şükürneñ 8nçe oktyabr’dän birle İzrailgä qarata höcümnär belän idarä itüe häm 27nçe iyül’dä Mäcdäl Şäms höcümeneñ cawaplısı ikänlege alğa sörelä.  

İzrail köçläre kiçä kiç Bäyrutnıñ kön’yaq töbägendä “Xizbulla”nıñ Şura parlamentı urnaşqan Xuxräyk mäxälläsendäge ber binanı hawadan utqa tottı.  Livan sälamätlek saqlaw ministrlığı anda 1 keşeneñ ülüen häm 68eneñ yaralanuın citkerde.