Germaniyada xakimiyät başlığı dönär belän sıylıy

Germaniyäneñ Bav’yera töbäge xökümäte räise Markus Söder, sośial’ mediadağı yazıluçıları arasınnan 40 keşene saylap dönär belän sıylayaçağın beldergännän soñ, dönär kisep qaradı. Ul monıñ öçen Nürnbergta Äxmät Can digän keşeneñ restoranına bardı. Söder dönär kiskän mizgelären sośial’ akkauntında da urtaqlaştı. Ul videoda üzeneñ iñ yaratqan törek restoranında buluın da assızıqladı.

“Dönärneñ här törlesen yaratam häm käbabımnı üzem kisep qaraw mömkinlegem bar. Şuña kürä kisep qarayaçaqmın. Döresräge, monı başqa keşeneñ êşläwen telär idem, tik ise bik ımsındıra” dip söyli säyäsätçe.    

Markus Söder yazıluçıları belän dönär aşawnı sabırsızlanıp kötüen assızıqladı. Monın öçen barlığı 45 meñ keşe teläk beldergän. Alar arasınnan qırığı saylap alınaçaq.