Şol’ś İzrailgä qoral cibärüne tuqtatmawların belderde

Germaniya kanślerı Olaf Şol’ś İzrailgä qoral cibärüne tuqtatu qararı çığarmawların citkerde. İzrailneñ Fälästin cirlären basıp aluınıñ xoquqqa qarşı buluın häm monı kiçekmästän tuqtatu kiräklegen assızıqlawçı Xalıqara mäxkämä qararları buluğa qaramastan, ul jurnalistlar belän oçraşuda bolay di: “İzrailgä qoral cibärdek häm monı tuqtatu qararı çığarmadıq. Tik, älbättä, här oçraqta xälgä qarap êş itäbez”.

Olaf Şol’ś Germaniyäneñ Yordannıñ basıp alınğan Könbatış üzänlegendä citeşterelgän tovarlarnı satuğa çik quyu taläbenä isä bolay dip cawap birä: “Minem citäkçelegemdäge xökümät İzraildän kilgän tovar häm xezmätlärneñ boykot itelüen yaqlamayaçaq. Döresen genä äytkändä, mondıy taläplärne cirängeç dip sanıym”.