"Salqın suğış"qa taba barabız

Rusiyäneñ däwlät başlığı sarayı Kreml’neñ süzçese Dmitriy Peskov waqıyğalarnıñ “salqın suğış”qa taba baruın belderde. Ul AQŞnıñ Germaniyägä yıraqqa oçuçı qanatlı raketalar urnaştıru qararın bäyäläde. Anıñça, bu Rusiyäne bastırırğa mataşu adımı.

Bilgele bulğança, kiçä AQŞ häm Germaniyä belderü yasap, “Tomagavk” raketaları häm başqa yıraq arağa atuçı qorallarnıñ 2026nçı yıldan Germaniyägä urnaştırılaçağın citkerde. Alar axırğı tapqır 1990nçı yıllarda quyılğan ide.

Peskov älege qararğa bäyle täräqqıyät’lärne küzätep baraçaqların assızıqladı. “Germaniya, AQŞ, Franśiyä häm Angliya Ukrainadağı bäreleşlärgä turıdan-turı qatışa. Bolar barısı ilebezne bastıru häm suğış mäydanında strategik ciñelüebezne täêmin itü öçen êşlänä”,-di ul.

Peskov waqıyğalarnıñ “salqın suğış” bilgelärenä iyä buluın äytep: “Bolarnıñ barısı êlek tä kürelgän ide”,- dide.