Bayden anketalarda artta qaldı

Amerika Quşma Ştatlarında ilbaşı Djo Baydennıñ saylawdan kandidatın aluın teläwçelärneñ sanı 67%qa citte.  

Aldınğı matbuğat organnarı tarafınnan 5-9 iyül’dä il külämendä oyıştırılğan häm 2 meñ 431 keşe qatnaşqan anketa näticäläre saylaw aldı kampaniyäsendäge axırğı wäzğıyät’ne açıp saldı. Sorawlarğa cawap birüçelärneñ 85%ı Baydennıñ ikençe çorda da ilbaşı bulu öçen bik qart ikänlegen uylıy, 67%ı isä aña yarıştan çığarğa kiräklegen belderä.

Anketada Trampnıñ qart buluın uylawçılar sanı 60%.

“Bügen saylaw bulsa, kemgä tawış birer idegez?” digän sorawğa 46% - Bayden, 47% Tramp dip cawap birä.

Baydennıñ yarıştan çığuı häm urınına Kamala Xarrisnıñ kilüe oçrağında isä Trampnıñ 46% tawışına qarşı Xarris 49% ala.