Kosmetik êşlänmälärdäge tal'k yaman şeş kiterep çığara

Kosmetika êşlänmälärendäge tal’k mineralı yaman şeş kiterep çığarırğa mömkin.

Bötendön’ya sälamätlek saqlaw oyışmasınıñ Xalıqara yaman şeş tikşerenüläre agentlığınnan citkerülärençä, 29 belgeç älege matdä belän bäyle fänni êşçänleklärne analizlağan.

Belderüdä keşelärneñ şaxtalarda häm qäğaz’ industriyäsendä êşlägändä yäisä kosmetik tovarlar qullanğanda “tal’k” mineralına duçar buluı äytelä. Asbest minerallar belän yänäşä toruçı älege matdä 2A törkemenä kerüçe kanserogen bularaq sıynıflandırıla. Anıñ xaywannarda uzdırılğan täcribälärdä yaman şeş kiterep çığaruı dälillängän.

Amerikanıñ kosmetik häm gigiyena tovarları citeşterüçe “Johnson & Johnson” şirkäte 12nçe iyün’dä bäbäy pudrası häm tal’k kergän başqa êşlänmäläreneñ yaman şeş kiterep çığaruında ğayeplänep 42 ştat häm başqala Vaşingtonda alıp barılğan tikşerülär näticäsendä 700 million dollar tülärgä rizalaştı.