Çüldä yuğalğan 14 keşe tabıldı

Aljirda Liviyä çigenä yaqın çülle cirlektä yuqqa çıqqan 14 keşeneñ üle gäwdäse tabıldı. Alarnıñ 12se süriyäle. Bu xaqta Aljirnıñ Êzläw-qotqaru cämğıyäte xäbär itä.

Çüldä êsselekkä tüzä almıyça ülgän keşelärneñ iñ yäşenä - 10, iñ ölkänenä 57 yäş’. Alarnı İlizi töbägendäge morgka iltälär.

Aljirdağı Süriyä ilçelege ülgän keşelärneñ 12seneñ süriyäle buluın rasladı.

İlneñ üzäk häm kön’yaq öleşendäge çül töbäklärendä êsselek axırğı atnalarda 50 gradusqa citkän. Afrikadan Awrupağa qanunsız yullar belän uzarğa tırışuçılarnıñ marşrutlarınıñ qayberläre näq’ menä şunnan uza.