İranda yaña ilbaşın açıqlıylar

İranda ilbaşı saylawlarında reformaçı kandidat Mäsud Päzäşkiyan 42,3% tawış belän alda bara.

İlneñ êçke êşlär ministrlığı saylaw üzäge süzçese Möxsin İslami tön urtasında ärcälärne açqannan birle 14 million 70 meñ 642 byulleten’ne sanawların belderde. Alarğa qarağanda, Päzäşkiyan 5 million 955 meñ 781 tawış belän alda bara. Annan soñ 5 million 560 meñ 321 tawış belän Säyet Cälili kilä. Bu 39,5% digän süz. Başqa kandidatlarğa kilgändä, Möxämmät Bakir Kalibaf 13,4% belän öçençe, Mostafa Purmöxämmät isä 0,8% belän dürtençe.

Bu sannar äle axırğı tügel, tawışlarnı sanaw däwam itä.