İranda ilbaşın saylıylar

İranda 19nçı mayda boralaq hälakätendä ülgän ilbaşı İbrahim Räisi urınına kiläçäk yaña däwlät başlığın saylıylar. Tawış birü cirle waqıt belän irtänge säğat’ 8dä başlandı.

88 million keşe yäşi torğan däwlätta yaqınça 62 million saylawçı bar. Saylaw ärcäläre 59 meñnän artıq urınğa quyıldı. Tawış birü kiçke säğat’ 6ğa qadär däwam itä.

İranda ilbaşı 4 yıl wazıyfa başqara häm iñ kübe 2 tapqır ber-ber artlı saylana ala. Kandidatlarnıñ berençe turda saylanuı öçen 50+1% tawış aluı kiräk.

İlbaşı bulu öçen reformaçı Mäsud Päzäşkiyan, konservator kandidat - parlament räise Möxämmät Bakir Kalibaf, Milli iminlek yuğarı şurasınıñ êlekkege ğomum särqatibe Said Cälili häm êlekkege êçke êşlär ministrı Mostafa Purmöxämmädi yarışa.