Qaçaqlar faciğası

Yämän sulıqlarında batqan qaçaqlar korabında ülüçelärneñ sanı 56ğa citte.

Xalıqara migraśiya oyışmasınıñ xisabında 10nçı iyün’dä 260 keşene utırtqan köymäneñ Yämänneñ kön’yağındağı Şäbvä şähäre sulıqlarında äylänep qaplanuı näticäsendä barlıqqa kilgän faciğa belän bäyle yaña mäğ’lümatlar citkerelde. Anda 129 keşeneñ äle haman tabılmawı äytelä. 56 keşeneñ isä yarğa barı üle gäwdäläre çığarıldı.

Xisap çığarğan näticälärgä qarağanda, köymägä köçle cil täêsirendä su tula häm ul äylänep qaplana. Hälakättän qotqarılğannar äytüençä, ülüçelärneñ kübese 15 yäş’tän 25kä qadärge yäş’lär.