Yort mäçelärenä mikroçip mäcbüri

 Angliyädä yort mäçelärenä mikroçip tağu häm xucalarınıñ kontakt mäğ’lümatların bazağa kertü mäcbüri bulğan.

Äylänä - tirä moxit, azıq-tölek häm awıl êşläre ministrlığı beldergänçä, yaña qanunnar nigezendä xucalar 20 atnalık bulğançı mäçelärenä mikroçip urnaştırırğa häm mikroçip bazasında êlemtä mäğ’lümatların yañartıp torırğa tiyeş.

Belderüdä äytelgänçä, ildä 9 millionnan artıq yort mäçese bar. Mäcbüri mikroçip yuğalğan yäki qarawçısız mäçelärne xucaları belän oçraştırunı häm alarnıñ öylärenä isän-imin qaytuların da ciñeläytäçäk.

Mikroçip xäzerge waqıtta êtlär öçen mäcbüri, bu yuğalğan yort xaywannarın tabuda iñ êffektiv ısul.

Mikroçip qağıydäse ütälmäsä, yort mäçeläreneñ xucalarına 500 sterling ştraf salınırğa mömkin.

Keşelär belän bäyläneşe bik az yäki bötenläy bulmağan qırğıy mäçelär öçen mikroçip mäcbürilege yuq.