Yarğa 2 çaqrım qalğaç batıp üldelär

Yämänneñ Şäbvä rayonı sulıqlarında afrikalı 38 qaçaqnıñ ğomere özelüe, 62seneñ qotqarıluı citkerelde. Cirle gubernator Hadi Xarma bu xaqta belderü yasadı.

Mäğ’lümatlarğa qarağanda, Êfiopiyadan quzğalğan häm yaqınça 250 qaçaqnı utırtqan köymä Radum yar buyına yaqınlaşqanda bik küp keşe diñgezgä kilep töşä. Yarğa citärgä 2 çaqrım tiräse qalğan bula. Tik anda 26 xatın-qız häm 12 ir-atnıñ cansız gäwdäsen genä çığaralar.

Gubernator 62 qaçaqnı balıqçılar häm başqa yämänlelär qotqaruın, yuğaluçılarnıñ isä yazmışı bilgele bulmawın citkerde.