Kanar utrawlarına qaçaqlar ağıla

İspaniyäneñ kön’yaq-könbatışındağı Kanar utrawlarına axırğı ber atnada törle törkemnär belän 1500dän artıq qaçaq kilgän. Cirle idarä beldergänçä, barı 8nçe iyün’dä 12 köymä belän yaqınça 600 keşene qabul itälär.

Grajdanlı saqlanu törkemnäre aralarında xatın-qızlar häm balalar da küp bulğan qaçaqlarğa yärdäm itü öçen atna buyı bertuqtawsız êşlärgä mäcbür qaluların, xezmätkärlär äz bulu arqasında êşneñ awırlıqlar belän baruın belderä. Sälamätlege naçar bulğan 2 keşene häm ber awırlı xatın-qıznı xastaxanägä salalar.  

Kanar utrawlarına 6nçı iyün’dä dä 4 köymä belän 516 qaçaq kilgän ide. Anda ber keşeneñ mäyete tabıla. Säyäxät waqıtında açlıq, susızlıq şikelle säbäplär arqasında ülgän kimendä 10 keşeneñ diñgezgä atıluı açıqlana.

Kanar utrawları avtonom idaräse axırğı berniçä yılda artqan qaçaq ağımına qarata üzäk xökümättän häm Awrupa Berlegennän konkret adımnar yasaluın häm yärdämnär arttırıluın sorıy. Wäqalätlelär 2024nçe yıl başınnan birle utrawlarğa kilüçe möhacirlär sanınıñ 18 meñnän artuın belderä.