BMO Keşe xoquqları şurasınıñ 56nçı utırışı uzaçaq

Keşe xoquqları şurasınnan yasalğan yazmaça belderügä kürä, 2024nçe yılnıñ çirattağı räislegen Marokkonıñ BMO Jeneva ofisı qarşında daimi wäkile, tulı wäqalätle ilçe Omar Zniber alıp baraçaq Keşe xoquqları şurası utırışı 18nçe iyün’-12nçe iyül’ könnärendä Berläşkän Millätlär Oyışmasınıñ Jeneva ofisında ütkäreläçäk.

Keşe xoquqları şurasınıñ 56nçı utırışı qısalarında 60tan kübräk xisap bastırılaçaq häm 28 interaktiv dialog utırışı uzdırılaçaq.

BMO Keşe xoquqları yuğarı komissarı Volker Türk Ukraina, M’yanma, Venesuêla häm Kolumbiyädäge keşe xoquqları torışına qağılışlı xisapnı Keşe xoquqları şurası qısalarında açıqlayaçaq.

Ayıruça İran, Äfğanstan, Sudan häm başqa illärdäge keşe xoquqları belän bäyle wazğiyät tä bäxäsläşeläçäk.

Keşe xoquqları şurasında xatın-qızlarğa häm qız balalarına qarata zolım häm qırıslıq, sport yulı belän keşe xoquqların alğa cibärü häm klimat üzgäreşläreneñ keşe xoquqlarına tiskäre yoğıntıları kebek mäs’älälär dä quzğatılaçaq.

Utırış qısalarında 19nçı iyün’dä yaw astındağı Fälästin cirläre, şul isäptän Könçığış Qodüs häm İzrail belän bäyle bularaq Bäysez xalıqara tikşerü komissiyäse belän interaktiv dialog ta oyıştırılaçaq.