Ğazzä cimereklär belän tulı

Berlӓşkӓn Millӓtlӓr Oyışmasınıñ Yaqın Könçığıştağı fälästinle qaçaqlarğa yärdäm kürsätü häm êş belän täêmin itü agentlığı sośial’ säxifädä Ğazzädäge wazğıyät’ belän bäyle belderü yasadı.

Belderügä kürä Ğazzädäge cimereklär bik küp, töbäktäge binalarnıñ yartısınnan kübräge işelgän.

İzrail höcümnäre arqasında barlıqqa kilgän xäräbälärne çistartu da yıllarğa suzılaçaq.

“Bu suğışnıñ psixologik travmasınnan qotılu tağın da ozaq waqıt alaçaq,” – diyelä belderüdä.

Belderüdä şulay uq Ğazzädäge qayğı-xäsrätlärneñ betüe zarurlığı assızıqlandı, utnı tuqtatırğa çaqıru yasaldı.

Ğazzädäge xökümätneñ Media ofisı 24 mayda belderü yasap, İzrail armiyaseneñ 7 oktäbr’dän bügengä qadär 77 meñ tonna şartlatqıç qullanuın, 87 meñ binanıñ bötenläy cimerelüen, barlığı 297 meñ binanıñ zıyan kürüen citkerde.

Berlӓşkӓn Millӓtlӓr Oyışmasınnan monnan alda yasalğan belderüdä Ğazzädäge xäräbälärne çistartunıñ 14 yıl däwam itä alaçağı äytelgän ide.