Meksikada êsselektän 100gä yaqın keşe ülde
İlneñ üz tarixındağı iñ êsse könnärne kiçerüe belderelde

Meksikada yıl başınnan birle xakimlek itüçe êsse hawa dulqını arqasında ğomere özelüçelärneñ sanı 90ğa citte. Cirle matbuğattağı xäbärlärgä qarağanda, bigräk tä Verakruz, Tabasko, Tamaulipas, Nuêvo-Leon häm San-Luis-Potosi töbäklärendä rekord cılılıqlar can aluın däwam itä.
Sälamätlek saqlaw ministrlığınıñ axırğı mäğ’lümatlarına qarağanda, barı 29nçı maydan 5nçe iyün’gä qadär yuğarı temperatura 29 keşeneñ ğomeren özgän. Yaqınça 2 meñ keşe isä qoyaş suğu arqasında xastaxanälärgä möräcäğat’ itkän.
Meksika meteorologiyä xezmäte il külämendä yaña êsse hawa dulqını kötelüen xäbär itä. Xronik awırularğa, mäcbür qalmağanda, çellädä tışqa çıqmasqa kiñäş itälär.
Meksikada maynıñ axırğı 15 könendä il tarixındağı iñ êsse könnär buluı belderelde. 14 töbäktä temperatura +40 gradustan uzıp kitä.
Bäyläneşle xäbärlär

Ğazzälelär haman üterelä
Utnı tuqtatu iğ’lan itelgännän birle İzrail Ğazzädä ütergän fälästinlelärneñ sanı kimendä 118 buldı