Aq Yort qarşında çatırlar
Ğazzägä teläktäşlek belderüçelär Aq Yort qarşında çatır lagerı yasadı
Amerika Quşma Ştatlarınıñ başqalası Vaşingtonda Ğazzägä teläktäşlek öçen cıyılğan xalıq Aq Yortnıñ qarşında çatır lagerı qorıp “tawışsız protest”ların däwam itäçäklären belderde. Alar ilbaşı Djo Baydennı “Ğazzä mäs’äläsendäge qızıl sızıqnı saqlar”ğa çaqıra.
Poliśiyä tirä-yünendä iminlek qırşawı barlıqqa kitergän distälärçä çatırdan toruçı lager’dağı demonstrantlar maqsatlarınıñ Ğazzädäge genośidqa iğ’tibar cälep itü buluın belderde.
Kiçä Vaşingtonda meñnärçä keşe qatnaşında miting uzdı. Ul Aq Yort qarşında başlandı häm 17nçe uramğa qadär demonstrantlar ozın keşe çılbırı barlıqqa kiterde. Alar qullarında qızıl tasma totıp Baydenğa “Ğazzä mäs’äläsendäge qızıl sızıq”nı xäterlätte.
Kiçä İzrail armiyäseneñ Nusäyrat möhacir lagerına höcümendä 210 keşeneñ ülüe, kimendä 400 keşeneñ yaralanuı belderelde.
