"Afrika illärenä yärdäm itärgä äzer bez"

Bu turıda Rusiyä tışqı êşlär ministrı Sergey Lavrov belderde

2149382
"Afrika illärenä yärdäm itärgä äzer bez"

Rusiyä tışqı êşlär ministrı Sergey Lavrov Afrika turınıñ öçençe tuqtalışı bulğan Burkina-Fasoda däwlät başlığı İbrahim Traore tarafınnan qabul itelde.

Lavrov Traore belän näticäle söyläşü ütkärülären, terrorçılıqqa qarşı köräş mäs’äläsendä kürelgän çaralarnı añlatuın citkerde.

Sergey Lavrov ileneñ Mali, Niger häm Burkina-Fasodan toruçı Säxil däwlätläre ittifaqın xuplawların äytep: “Yaña kolonial’ yoğıntıdan qotılırğa teläwçe Afrika illäreneñ xaqlı däğwaların xuplarğa äzer bez,” – dide.

Xärbi xezmättäşlek häm texnik mäs’älälärdäge yärdämnären dä däwam itteräçäklären assızıqlağan ministr qoral cibärergä däwam itäçäklären häm xärbi belem birüçelärneñ sanın arttıraçaqların belderde.

İlbaşı idaräsennän yasalğan belderügä kürä Lavrov häm Traore söyläşüendä taw sänägäte, hönäri äzerlek, säwdä, igençelek häm sälamätlek saqlaw tarmaqlarındağı xezmättäşlek mäs’äläläre quzğatıldı.

Däwlät başlığı Traore Sergey Lavrovka däwlät ordenın tapşırdı.

Rusiyä başqala Uagaduguda 1992 yılda yapqan ilçelegen 31 yıldan soñ dekabr’ ayında qabat açtı.



Bäyläneşle xäbärlär