Pol'şada şımçılıq operaśiyäläre
İldä "rus şımçısı" buluı uylanıluçı keşelär saq astına alındı
2148171
Pol’şada Rusiyä häm Belarus’ öçen sabotaj ğamälläre qıluda şöbhälänep dekabr’dän birle 18 keşe saq astına alındı. Aralarında Ukraina däwlät başlığı Volodimir Zelenskiynı üterü planı äzerläwçe dä bar.
Pol’şa êçke qurqınıçsızlıq oyışmasınnan belderülärençä, saq astına alınuçılarnıñ qayberläre soñğı waqıtlarda ildä bulğan höcüm häm ut törtü waqıyğalarında turıdan-turı qatnaşqan.
Saqlanu ministrı Tomaş Simonyak Rusiyä häm Belarus’ öçen êşläwçe älege şöbhälelärneñ kiber höcümnär häm qaçaqlarnıñ Pol’şağa kerüen täêmin itü şikelle il iminlegenä yanawçı ğamällär başqaruın söyli.
Prokurorlar saq astındağılarnıñ berseneñ Volodimir Zelenskiynı üterü planlaştıruın häm agent buluına şöbhälänülären citkerde.
