Yaponiyadä cir teträgän

Yaponiyaneñ İşikava provinśiyasendä 6 ball zurlığında barlıqqa kilgän cirteträwdä 5 bina cimerelgän.

Yaponiyaneñ Meteorologiya agentlığınnan yasalğan belderüdä cirle sägät’ belän 06.31dä küzätelgän zilzilä 10 çaqrım tiränlektä terkälgän.

İşikava belän ber rättän Niigata, Fukuşima häm Toyama provinśiyalärendä dä xis itelgän afättän soñ 06.40ta 4,8 ball zurlığında iyärçen zilzilä barlıqqa kilgän.

Śunami riskınıñ bulmawı belderelde.

Cirteträwlärneñ töbäktäge atom-töş stanśiyalärgä zıyan salmawı citkerelde.

Räsmi zatlarğa kürä Vadzima şähärendäge 5 bina işelde, berençe mäğlümatlarğa kürä ülüçelär yuq.

Yaponiyaneñ Meteorologiya agentlığı töbäktä zilzilälärneñ däwam itä alaçağı mäs’äläsendä kisätte.

Yaponiyaneñ İşikava provinśiyasendä 1 ğıynwar könne küzätelgän 7,6 ball zurlığındağı cirteträwdä 260 keşeneñ ğomere özelgän ide.

Kim digändä 1300 keşe dä yaralanğan afättä 3 keşe yuğaldı.

1 ğıynwardan bügengä qadär töbäktä yözlärçä zilzilä terkälde.