"F-16" xärbi oçqıçları Rusiyäne utqa tota alaçaq

Daniya Ukrainağa bireläçäk “F-16” xärbi oçqıçların Rusiyä territoriyäsendä qullanunıñ “suğış qanunnarı qısalarında” bulaçağın belderde. Tışqı êşlär ministrı Lars Lokke Rasmussen bu xaqta jurnalistlarğa söyläde. Ul Ukrainağa “F-16”larnı täêmin itep kenä qalmayaçaqların, oçuçı häm xezmätkärlärne öyrätäçäklären dä äytte. Tik ul monıñ Ukrainanıñ Rusiyägä teläsä-niçek höcüm itä aluın añlatmawın, barı xärbi ob’yektlarnı utqa totıp Rusiyä armiyäsen köçsezländerü öçen birelüen assızıqladı.

Niderland häm Daniya 2023nçe yılnıñ mayında Ukrainağa “F-16” xärbi oçqıçların birü häm ukrain pilotların öyrätüne qabul itte. Kiyevnı Niderland - 42, Daniya 19 danä oçqıç belän täêmin itäçäk.