“Bötendön’ya üzäk aşxanäse” Räfaxtan kitä

Xalıqara yärdäm oyışması “Bötendön’ya üzäk aşxanäse” Ğazzä sızığınıñ Räfax şähärendä êşçänleklären tuqtatu qararı çığaruların citkerde.  Anıñ sośial’ media akkauntı aşa yasalğan belderüendä İzrailneñ höcümnäre arqasında qaladağı meñnärçä ğailäneñ qabat küçenergä mäcbür itelüe äytelä. “Däwam itüçe höcümnär bezne Räfaxtağı töp aşxanäbezneñ êşçänleklären tuqtatırğa, aşxanälärneñ şaqtıyın tön’yaqqa küçerergä mäcbür itte” diyelä anda. Belderüdä töbäktäge xälneñ qotoçqıç buluı, şulay da oyışma törkemnäreneñ här kön êşçänleklären däwam itüe assızıqlana.  

“Bötendön’ya üzäk aşxanäse” kiçä cirlektä 100 meñ keşegä aşaw birelüen häm bu atnada Ğazzägä kergän 58 yök maşinası yärdäm belän külämne arttıraçaqların xäbär itte.

İzrailneñ 1nçe aprel’dä Ğazzädäge Däyr äl-Bälax töbägenä oyıştırğan höcümendä “Bötendön’ya üzäk aşxanäse”neñ 7 xezmätkäre hälaq buldı.