10 yıl êlek urlanğan 387 keşe qotqarıldı

Nigeriyada "Boko Xaram" oyışması urlağan keşelärne urmannan tabalar

2142235
10 yıl êlek urlanğan 387 keşe qotqarıldı

Nigeriya armiyäse Borno töbägendä terrorçı oyışma “Boko Xaram” 10 yıl êlek alıp kitkän 387 keşene qotqaruın belderde. “Çül sanitarları” dip ataluçı operaśiyäneñ komandirı Xaruna Diva citkergänçä, ğaskäri berleklär terrorçılar yäşerengän Sambiśa urmanında basqın oyıştıra. Anda 10 yıl êlek urlanğan häm kübese xatın-qızlar belän balalar bulğan 387 keşene qotqaralar.  

Diva Nigeriya armiyäseneñ ildä iminlekne täêmin itü öçen nıqlı qararda buluın äytä. “Maqsatıbız Sambiśadağı terrorçı qaldıqlarınnan çistartu häm teläwçelärgä üzlärenä birelü mömkinlege buldıru. Bu operaśiyadan soñ kübeseneñ bireläçägen küzallıym”,-dide ul.

Nigeriyada 2 meñençe yıllarnıñ başında üzen kürsätä başlağan “Boko Xaram”nıñ 2009nçı yıldan birle oyıştıruçı massaküläm qan qoyularında distälärçä meñ keşeneñ ğomere özelde. Oyışma 2015nçe yıldan ilneñ çik buyı kürşeläre Kamerun, Çad häm Nigerda da höcümnär yasıy.     



Bäyläneşle xäbärlär