Qıtayda köçle dawıl ülemnärgä kiterde

Qıtaynıñ Śzyansi provinśiyäsendä köçle dawıllar näticäsendä kilep çıqqan qazalarda 7 keşe ülde, 11e yaralandı.

Köçle cil, yanğır häm boz yawu 31nçe marttan birle 9 şähärdä yaqınça 93 meñ keşegä zarar birde.

Provinśiyäneñ başqalası Nançangda ber binanıñ tübäsen dawıl oçırdı. Şähärdä 3 keşe küpqatlı binadan töşep ülde.

Dawıl kiterep çığarğan säbäplär belän tağın 4 keşeneñ ğomere özelüe belderelä.

Tiskäre hawa şartları 5 meñ 700 gektar basu-qırlarğa, 2 meñ 751 öygä zarar birgän. 800dän artıq keşene êvakuaśiyälägännär.

Meteorologlar 31nçe martta cilneñ tizlegeneñ säğatenä 127,8 kilometrğa citüen belderde.