Rusiyädän Afrikağa aşlıq yärdäme
Rusiyä Afrikadağı qayber illärgä buşlay 200 meñ tonna aşlıq cibärde
2105390
Kreml’dan yasalğan belderügä kürä Rusiyä däwlät başlığı Vladimir Putin Mäskäwdä İgençelek ministrı Dmitriy Patruşev belän küreşte.
Rusiyäneñ Afrikağa aşlıq cibärüe belän bäyle söyläşüdä Patruşev tübändägeçä citkerde: “Afrika qıytğasınıñ iñ fäqıyr’ 6 ilen boday belän täêmin ittek. Bu qıytğağa barlığı 200 meñ tonna gumanitar yärdäm kürsättek. 25 meñär tonna aşlıq Mali, Burkina Faso, Zimbabve häm Êritreyağa; 50 meñär tonna aşlıq isä Somali häm Urta Afrika cömhüriyätenä cibärelde.”
Patruşev Rusiyäneñ uzğan yılnı 16 milliard yarım dollarlık 66 million tonna aşlıq êksportlawın xäterlätep, bıyıl da yaqınça 70 million aşlıq êksportlawnı maqsat itülären citkerde.
