AQŞta köçle salqınnar yözgä yaqın keşene üterde

İlneñ bik küp ştatına täêsir itkän suıq hawa dulqınnarınıñ däwam itäçäge belderelä

2091899
AQŞta köçle salqınnar yözgä yaqın keşene üterde

AQŞnıñ küp kenä cirleklärendä kisken hawa şartları kiterep çığarğan waqıyğalarda 92 keşeneñ ğomere özelde.

“CBS News” citkergänçä, suıq hawa dulqınınıñ bu atnada da däwam itüe kötelä.

Tennesi sälamätlek saqlaw departamentı mäğ’lümatlarına qarağanda, anda tübän temperatura arqasında 25 keşe ülde. Oregon ştatında isä 16 ülem oçrağı belderelde. İllinoys, Pensil’vaniya, Missisipi, Vaşington, Kentukki, Viskonsin, N’yu-York, N’yu-Djersida da ülemnär terkälgän.  

Şul uq waqıtta meteorologiyä belgeçläre suıq hawanıñ bu atnada da däwam itäçägen belderep, bigräk tä yullardağı qar häm bozlawıqlar turında kisätte.

20nçe ğıynvarda Vermont ştatında çañğı şuu öçen tawlarğa kitkän häm soñınnan xäbärsez yuğalğan 23 keşene isän-imin taptılar. Poliśiyä kiçäge belderüendä başta 6 balanı da kertep 21 keşeneñ yuğaluı turında xäbär aluların, soñınnan tağın 2 keşeneñ yuqlığı açıqlanuın häm êşçänleklär näticäsendä barısınıñ da qotqarıluın citkerde.



Bäyläneşle xäbärlär