Griffits Ğazzädäge suğışnı "betmäs tap" dip atadı
BMO wäqalätlese İzrail höcümnäre arqasında ülgän fälästinle sanınıñ 20 meñnän artuına ärnüen citkerde
BMOnıñ gumanitar êşlär öçen cawaplı ğomum särqatibe urınbasarı häm aşığıç yärdäm koordinatorı Martin Griffits Ğazzädä wäxşi bäreleşneñ bu qadär ozaq däwam itüeneñ urtaq xäterdä betmäs tap bulıp qalaçağın belderde. Ul X sośial’ media platformasında İzrail höcümnäre arqasında ülgän fälästinle sanınıñ 20 meñnän artuı belän bäyle yazma urtaqlaştı.
Griffits Ğazzädä yuğaltularnıñ qabat qurqınıç häm yöz qızartuçı borılış noqtasına citüen, kiyerenkelekneñ artuına kitergän waqıyğalarnıñ yäm’sez buluın, anıñ däwamındağı xällärneñ isä vöcdansızlıq ikänen äytte. Ul barlıq yaqlarnıñ xalıqara gumanitar xoquq nigezendä burıçların ütärgä tiyeşlegen häm tınıç xalıqnı saqlaw zarurilığın assızıqladı.
Ul, küp’yaqlı ğayepläwlärgä, fizik häm ruxi zıyanğa, zur cimerülärgä qaramastan, bäreleşneñ däwam itüenä ärnüen äytep, suğışnı tuqtatırğa çaqıruın yañarttı.
