Fäqıyr’lektä yäşäwçe balalar

YUNİSEFnıñ ber tikşerenü xisabına kürä, fäqıyr’ bala häm yäş’lärneñ küläme 10 yıl buyı yuğarı.

Çärşämbe könne Berlinda açıqlanğan xisapqa kürä bu wazğıyät’ Germaniyane bay illär arasında asqı rätlärgä töşerä.

İqtisadi xezmättäşlek häm üseş oyışması häm Awrupa Berlege tarafınnan tikşerelgän 39 il arasında Germaniya 25nçe urında.

Bu qısada oyışma säyäsätçelärne balalar häm yäş’lärgä tağın da aktiv häm daimi investiśiya kertergä çaqıra.

Ber keşegä xalıq sanınıñ urtaça keremeneñ 60%ınnan äzräge turı kilä ikän äz keremle bularaq qabul itelä. Awrupa Berlegendä yaqınça 6 million bala äz keremnän zarar kürä.

Xisaptan kürengänçä monnan tış ğailäläre öylären citärle däräcädä cılıta almağan, iskergän kiyemnären almaştıra almağan yäisä citärle azıq-tölek belän täêmin itä almağan başqa balalar da bar.

Xisapka kürä, däwamlı yäisä yış räweştä yarlılıqta yäşärgä mäcbür qalğan balalarda ğomumän sośial’ häm êmośional’ tärtip problemaları küzätelä. Alar mullıqta yäşäwçe balalar belän çağıştırğanda, tağın yış depressiyağa kerä.

Tikşerenü xisabınnan kürengänçä bu wazğıyät’ iñ küp Franśiya häm Angliyadä küzätelä.

Xisapnı yazuçılar tübändäge näticägä kilgän: “Balalar yarlılığı belän aktiv köräş itü zur ülçämdä säyäsätçelär qulında.”