2023 - iñ cılı yıl bulırğa mömkin

“Kopernik” klimat üzgärüne tikşerü xezmäte bıyılğı terkäwläre belän urtaqlaştı

2061954
2023 - iñ cılı yıl bulırğa mömkin

Awrupa Berlege qul astındağı “Kopernik” klimat üzgärüne tikşerü xezmäte 2023nçe yılnıñ terkäläçäk iñ cılı yıl bula aluın belderde. Oyışmanıñ internet säxifäsendäge xisapta bıyılnıñ hawa temperaturası belän bäyle mäğ’lümatlar birelde.

Aña qarağanda, monnan alda terkälgän iñ cılı yıl bulıp sanaluçı 2016nçı yıl belän çağıştırğanda, 2023tä cılılıq urtaça 0,10 gradusqa yuğarıraq.

Xisapta bıyılnıñ urtaça temperaturasınıñ sänäğat’ alğarışınnan aldağı urtaça cılılıqtan 1,43 gradusqa yuğarıraq buluı da äytelä.

Aylar buyınça qarağanda, oktyabr’dä urtaça temperatura +15,3 gradus belän rekord yasıy. Bu monnan aldağı iñ cılı oktyabr’ sanaluçı 2019nçı yılğı belän çağıştırğanda, 0,40 gradusqa yuğarıraq.

Köz aylarındağı bu cılılıq Antarktikada diñgez bozı külämeneñ urtaça 11%tan kim buluına kiterä häm bu - yılnıñ älege çorı öçen rekord däräcädä az. Mondıy küreneş inde 6 ay däwam itä.



Bäyläneşle xäbärlär