Qıtaynıñ su astı korabı 55 keşe belän batqan

Qıtaynıñ atom su astı köymäseneñ Sarı diñgezdä doşman submarinaları öçen quyılğan tozaqqa êlägep çığa almawı häm 55 keşelek êkipajnıñ hälaq buluı alğa sörelä.  

Angliyäneñ "The Times" (Таймс) häm "Dail Mail" gazetları Böyekbritaniyä (Бөекбритан) küzläw oyışmasınıñ “yäşeren” kodlı xisabınnan urlanğan mäğ’lümatlarğa nigezlänep xäbär çığardı. Anda äytelgänçä, Qıtay xalıq bäysezlek armiyäse flotına qarawçı atom su astı köymäse 21nçe avgustta Şan’dun provinśiyäse sulıqlarında “yakor’ häm çılbır” dip ataluçı su astı kirtäsenä tap bula.

Küzläw oyışması xisabında Qıtaynıñ Amerika Quşma Ştatları belän berlektäşläreneñ submarinaları öçen qorğan tozaqqa êläkkän su astı korabınıñ 6 säğat’ buyı öslekkä çıqmawı, batareyalarnıñ utıruı häm kislorod sistemalarınıñ êşläwdän tuqtawı citkerelä. Näticädä korabnıñ kapitanı, polkovnik Şuê Yun-Pinnı da kertep 22 ofiśer, 7 öyränçek ofiśer, 9 starşina häm 17 matrostan toruçı 55 keşelek êkipajnıñ kislorod citmäwdän ülüe alğa sörelä.

“Dail Mail” gazetına interv’yu birgän ber Angliyä su astı korabı ğaskäriye farazlawınça, älege waqıyğa bulğanda Qıtay, möğayen, qotqaru öçen xalıqara yärdäm soramadı.

Qıtay älegä bu xälne raslamadı. Angliyäneñ patşa flotı da gazetlarğa interv’yu birüdän tayçına.

Tik näq’ menä şul waqıtlarda Qıtayda sośial’ mediada ber atom su astı korabınıñ Sarı dingezdä yäisä Tayvan’ buğazında hälakätkä oçrawı turında süzlär taralğan ide.