Germaniya mäçetlärendä "Açıq işeklär köne"
İldäge mäçetlärdä tradiŝiyağa äylängän “Açıq işeklär köne”neñ 27nçese oyıştırıla
İke Germaniyane berläşterü yıllığı uñayınnan ildäge mäçetlärdä tradiŝiyağa äylängän “Açıq işeklär köne”neñ 27nçese oyıştırıla.
Germaniyadäge Möselmannar koordinaŝiya şurası “Açıq işeklär köne”neñ bıyılğı temasın “Ğıybadät uylandıra, canlandıra, berläşterä” itep bilgeläde.
Diyanät êşläreneñ Törek İslam berlegenä bäyle mäçetlärgä möselmannar häm möselman bulmağannar zur qızıqsınu kürsätä.
Diyanät êşläreneñ Törek İslam berlege ğomum üzägendäge Köln üzäk cämiğına yul totqan qunaqlar mäçet häm İslam belän bäyle mäğlümat aldı.
Kölndä 27nçese oyıştırılğan programmada Köln mêrı Henriette Reker belän şähärneñ cirle citäkçeläre dä qatnaşıp, mäçetkä kilde.
Diyanät êşläreneñ Törek İslam berlege ğomum başlığı Muharrem Kuzey Germaniyadä bu çaralar başlanğan 1997 yıldan bügengä qadär mäçetlärdä “Açıq işeklär köne” çaraları mädäniyäteneñ barlıqqa kilüen, här yıl 3 oktäbr’dä nemeŝlarnıñ mäçetlärgä kilüen belderde.
“Açıq işeklär köne” çaraları qısalarında köne buyı törle seminar, kürgäzmä häm çaralar oyıştırıla, mäçetlär tanıtıla.
Kölndäge üzäk cämiğına 5 meñ keşeneñ kilüe kötelä.
