Xaqan Fidannıñ AQŞtağı oçraşuları däwam (дәвам) itä
Ul BMOnıñ 78 nçe ğomum şurası qısalarında söyläşülär ütkärä, cıyılışlarda qatnaşa
Törkiyä tışqı êşlär ministrı Xaqan Fidan Awrupa Berlegeneñ tışqı mönäsäbätlär häm qurqınıçsızlıq säyäsäte yuğarı wäkile Jozep Borrel’ belän oçraştı.
Borrel’ “X” sośial’ media platforması akkauntında Fidan belän N’yu-Yorkta BMOnıñ 78 nçe ğomum şurası qısalarında oçraşuların, Awrupa Berlege -Türkiyä mönäsäbätlärendä yasalaçaq adımnar turında söyläşülären citkerde.
Borrel’ häm Fidan Qarabaxtağı borçulı xäl turında da süz alıp bardılar.
Xaqan Fidan N’yu-Yorkta “Kiläçäk sammitı - ministrlar däräcäsendä äzerlek cıyılışı”nda qanaşuçılarğa möräcäğat’ itte.
Ul üz çığışında global’ idarä itüne üzgärtü, küp’yaqlılıqnı nığıtu, BMO reforması öçen kiräkle adımnar yasawğa tuqtaldı häm bu yünäleştäge burıçlarnı äytep uzdı.
Törkiyä tışqı êşlär ministrı şulay uq “İslam xezmättäşlek oyışmasınıñ ministrlar däräcäsendäge yıllıq koordinaśiya cıyılışı”nda qatnaştı.
Xaqan Fidan Latviya, Belarus’, Baxreyn tışqı êşlär ministrları belän söyläşülär ütkärde.
Ul "Törek yortı"nda (йортында) Panama tışqı êşlär ministrı belän oçraştı häm ike il arasında “Säyäsi kiñäşmä mexanizmı buldıru turında kileşü tekstı” imzalandı.
