Putin belän Paşin'yan Qarabax turında söyläşte

Rusiyä däwlät başlığı Vladimir Putin Ärmänstan xökümäte räise Nikol’ Paşinyan belän Qarabax mäs’äläse häm andağı wäzğıyät’ xaqında söyläşte. Äñgämä telefon aşa uzdı.

Kreml’dän yasalğan belderügä qarağanda, Putin Azärbaycan belän Ärmänstan arasındağı kiyırenkelekneñ awır êtabın ütep bula aluın äytä. Ul Rusiyäneñ tınıçlıq köçläreneñ aktiv qatnaşuı näticäsendä tözelgän kileşüdän häm 21nçe sentyabr’dä söyläşülär uzaçağınnan qanäğat’ buluın citkerä.

Putin söyläşülärneñ Rusiyä aradaşçılığı belän tormışqa aşırıluına iğ’tibarnı cälep itä. Ul, awır şartlarğa qaramastan, tınıçlıq köçläreneñ wazıyfaların cirenä citkerüen häm alarnıñ xärbi tabiblar belän bergä tınıç xalıqqa yärdäm itülären assızıqlıy.

Putin belän Paşin’yan kiläçäktä kiyerenkelekneñ kimüe häm wäzğıyät’neñ totrıqlı xälgä kilüenä ömetlänülären äytte.