Antarktikadan xäwefle xäbärlär
Antarktikadağı bozlıqlarnıñ êlekkege xälenä kire qaytmayaçağı uylanıla
Antarktikadan alınğan iyärçen mäğ’lümatları regionda diñgez bozı däräcäseneñ, global’ cılınu säbäple, fasılnıñ urtaça kürsätkeçennän bik tübän buluın kürsätte.
AQŞnıñ milli qar häm boz mäğ’lümati üzägendä bozlıqlarnı tikşergän Uolter Meyer BBCgä interv’yusında boz külämen “teträndergeç däräcädä tübän” dip atadı. Ul alarnıñ êlekkege xälenä kire qaytuı mäs’äläsendä bik ömetle bulmawın da äytte.
Mäğ’lümatlarğa qarağanda, yaqınça 17 million kvadrat kilometr mäydanı bulğan bozlıq sentyabr’ ayında, ğadättä, urtaça 1,5 million kvadrat kilometrğa zurraq bula.
Manitoba universitetınnan Robbi Mallet kürsätkeçlärneñ borçu tudırırlıq däräcädä buluın assızıqlıy.
“Bu xäl soñğı 40 yılda kürelmägän ide. Ul Antarktida klimat üzgärü kiterep çığarğan potenśial’ xäwefle bilge,”-di ul.
