Ukrainada soñğı wazğıyät'
Ukraina Klişçevka (Клищевка) awılın Rusiyä yawınnan qotqaruların belderde
Ukraina citäkçelege Doneŝk töbägeneñ Baxmut yağındağı Klişçevka (Клищевка) awılın Rusiyä yawınnan qotqaruların belderde.
Ukrainanıñ Cir öste köçläre komandirı Aleksandr Sırskiy soŝial’ säxifädäge akkauntında açıqlaw yasap, Ukraina armiyaseneñ Baxmut yağında uñışqa ireşülären citkerde häm tübändägeçä yazdı: “Klişçevka 80nçe hawa-desant, 5nçe şturm häm Ukraina Milli poliŝiyaseneñ berläşkän höcüm brigadası tarafınnan Ruslardan çistartıldı häm qotqarıldı.”
Ukrainanıñ İlbaşı idaräse ofisı başlığı Andrey Yermak ta soŝial’ säxifädä açıqlaw yasap, Klişçevkanıñ Ukrainanıñ kontrolenä küçüen citkerep bolay dide: “Ukraina cirlären yawdan qotqarğannarı öçen ğaskärilärgä räxmätemne belderäm.”
Ukrainanıñ Ğomum ştab räislege comğa könne Doneŝk töbägendäge Andreyevka awılınıñ qotqarıluın açıqlağan ide.
