Tabiğıy afätlär 2 millionnan artıq keşene ütergän

1970nçe yıldan başlap 2021nçe yılğa qadär terkälgän yaqınça 12 meñ êkstremal’ klimat küreneşeneñ 2 millionnan artıq keşeneñ ülemenä kiterüe belderelde.

Bötendönya meteorologiyä oyışması ğomum särqatibe Petteri Taalas BMOnıñ Jenevadağı ofisında uzğan matbuğat cıyılışında çığış yasap, klimat üzgäreşe häm totrıqlı üseş maqsatları belän bäyle kürsätkeçlärne citkerde. Annan kürengänçä, älege maqsatlarnıñ barı 15%ı ğına tormışqa aşırılğan.

1970nçe yıldan başlap 2021nçe yılğa qadär hawa, klimat üzgärü häm su belän bäyle yaqınça 12 meñ afät 2 million keşeneñ ğomeren özep kenä qalmıy, 4,3 trillion dollardan artıq matdi zıyan sala.

Ülemnärneñ 90%tan artığı häm iq’tisadi yuğaltularnıñ 60%ı üsep kilüçe illärdä kürenä. Älege tiskäre küreneş totrıqlı üseşkä qomaçawladı (кoмaчaулaды).

Bötendönya meteorologiyä oyışması ğomum särqatibe Petteri Taalas klimat üzgärügä qarşı köräş mäs’äläsendä uñışsızlıq çığuın häm global’ cılılıqnıñ artuı 2,8 gradusqa citsä, tağın da tiskäre yoğıntı (йогынты) kürenä aluı turında kisätte.