Parij Olimpiya uyınnarında Rusiyä bayrağı bulmayaçaq

Franśiyä (Франция) ilbaşı Êmmanuêl’ (Эмманюэль) Makron Parijda uzaçaq Olimpiya uyınnarında Rusiyä bayrağı bulmayaçağın belderde.

Ul “L'Equipe” gazetına interv’yuda 2024nçe yılnıñ 26nçı iyülennän 11nçe avgustqa qadär Parijda uzaçaq Olimpiya uyınnarı turında belderülär yasadı.

“Parij Olimpiya uyınnarında Rusiyä bayrağı bula almıy,” - dide Makron häm Rusiyäneñ suğış cinayäte êşlägän waqıtta 2024nçe yılğı Olimpiadada urın almayaçağın, ä il sportçılarınıñ yarışlarda şäxsi bularaq qatnaşa alu qararın Xalıqara Olimpiya komitetı qabul itüen citkerde.

“Olimpiya dönyası çişärgä tiyışle töp mäs’älä - qayçaq ğomere buyı äzerlängän häm ber ük waqıtta bu rejimnıñ qorbanı bulğan rus sportçılarına nindi urın ayırıp quyıluı", - -dide Franśiyä (Франция) ilbaşı.