Tämäke aqıl xastalıqlarına kiterä
Tämäke tartuçı keşedä psixika bozılu qurqınıçı 250%qa kübräk

Tämäkeneñ aqıl sälamätlege bozılunı 250%qa arttıruı açıqlandı. Daniyäneñ Orxuss universitetı ğalimnäre Angliyädä urnaşqan biologik mäğ’lünat bankı Biobanktağı 350 meñ keşeneñ genetik kürsätkeçlären analizladı.
Tikşerüne citäklägän belgeç Dug Spid mäğ’lümatları qaralğan keşelärneñ 90%ınıñ 20 yäşennän alda tämäke tarta başlawın häm, başlıça, 30 yäş’lärennän soñ psixik sırxawlıqlardan däwalanuın kürülären citkerde.
“Tämäke tartu psixikanıñ bozıluına kiterä. Bu berdänber säbäp tügel, älbättä, tik psixik awıru arqasında xastaxanägä yatu rıskın 250%qa arttıruı küzätelä,”-di belgeç.
Kanadalı ike tikşerüçe belän bergä êşläwçe ğalim tämäkeneñ, ayıruça, depressiyä häm bipolyar qaqşawğa kiterüenä iğ’tibarnı cälep itte. Ul tartuçılarda “tämäke belän nisbätle” gennarnıñ barlığın kürülären citkerde.
“Tämäke belän nisbätle gennarğa iyä bulğan, tik tartmawçı keşelärdä, älege gennarğa iyä häm tartuçı keşelärgä qarağanda, ruxi qaqşawlar barlıqqa kilü ixtimalı tağın da az,”-di Dug Spid.
Ğalim tämäkeneñ psixika bozıluına kiterüçe biologik mexanizmnıñ älegä tögäl genä añlaşılmawın äytä.
Bäyläneşle xäbärlär

İtaliya Ğazzä balaların däwalayaçaq
14 fälästinle balanı yaman şeştän däwalaw öçen bügen başqala Rimğa alıp kitälär