Ukrainada ülüçelär

Rusiyä belän barğan suğışta Ukrainada tınıç xalıqtan 9 meñ 500 keşeneñ ğomere özelgän. BMOnıñ Jenevadağı ofisı sośial (социаль) media platforması aşa qayber sannarnı açıqladı.  Anda 2022nçe yılnıñ 24nçe fevralendä başlanğan Rusiyä-Ukraina suğışında terkälgän ülem, yaralanu häm yäşägän urınınnan küçenü sannarı urın ala.  

Yazmada suğışnıñ tınıç xalıq cilkäsenä dä awır yök bulıp töşüe assızıqlana. Ukrainada 9 meñ 500 grajdanlı hälaq bulğan, 17 meñnän artığı yaralanğan, aralarında ğomerlek ğarip bulıp qaluçılar şaqtıy.

“Çınbarlıqtağı sannar, hiçşiksez, tağın da zurraq. 6 millionnan artıq ukrainalı kürşe däwlätlärgä qaçtı. İl êçendä isä 5 millionnan kübräk keşe yäşägän cirennän başqa urınğa küçenergä mäcbür buldı” diyılä yazmada.