Bel’giyädä zur şöpşälärneñ höcüme
Bel’giyädä tabiğät säyäxäte waqıtnda zur şöpşälärneñ höcümenä duçar bulğan distälägän keşe xastaxanägä salınğan
Bel’giya matbuğatındağı xäbärlärgä kürä, 38 keşelek törkem Lier şähäre yanındağı urmanda êkskursovod belän bergä tabiğät yöreşenä çıqqan.
Törkem cäyäw yörep ağaçtağı umarta oyasınıñ yanınnan uzğan çaqta zur şöpşälärneñ höcümenä duçar bula. Zur şöpşälär çaqqan keşelärdän kübese xastaxanägä ozatılğan.
Räsmilär xastaxanägä salınğan keşelärdän öçeseneñ däwalanuınıñ däwam (дәвам) itelüen, berseneñ reanimaśiyädä (реанимациядә) yatuın häm xäleneñ bik kritik buluın belderde.
Waqıyğa bulğan urınğa cibärelgän belgeçlär, umartanıñ urının tabıp, mäydanğa kerü yulların yaptı.
Bel’giyanıñ Flamand regionı umartaçılıq institutı başlığı Rene De Baker qortlarnıñ Awrupa zur şöpşäse törennän buluın, mondıy höcümnärneñ bik siräk kürenüen äytte.
Bal qortı belgeçe Kevin Verbeek isä "Bal qortları (zur şöpşälär) ğadättä tabiğättä üz xällärendä oçıp yörgän çaqta qurqınıç tügel, läkin umartalarına yanaw buluın xis itkän çaqta qurqınıç bula ala. Bu da oyanıñ 4-5 metr tiräsendä yanaw êlementınıñ buluı belän mömkin. Umarta oyasınıñ yanınnan uzğan çaqta söyläşülärneñ tibräneşläre dä xätta şöpşälär tarafınnan yanaw bularaq qabul itelä alına häm mondıy oçraqta höcüm itä alalar”, - dide.
