Qıtay saqlanu ministrı Rusiya häm Belarus’qa säfär yasıy

Qıtay saqlanu ministrı Li Şanfu Rusiya häm Belarus’qa säfär yasıy.

Qıtay saqlanu ministrlığı xäbär itkänçä, ul 15 nçe avgustta Rusiyädä uzaçaq 11 nçe Mäskäw xalıqara qurqınıçsızlıq konferenśiyäsendä (кoнфeрeнциясeндә) çığış yasayaçaq.

Ministr säfär qısalarında Rusiya saqlanu wäqalätleläre belän dä söyläşülär ütkäräçäk.

Qıtay ministrı Belarus’ta däwlät başlığı Aleksandr Lukaşenko häm saqlanu räsmi zatları belän oçraşır dip kötelä.

Mart ayında wazifasına kereşkän Li Şanfu aprel’ ayında Mäskäwdä buldı häm Rusiya Federaśiyäse (Фeдeрaциясe) däwlät başlığı Vladimir Putin belän oçraştı.

Şulay uq iyül’dä Rusiya diñgez köçläre komandirı admiral Nikolay Yevmenov (Евменов) belän Pekinda küreşep söyläşkän ide.

Qıtaynıñ Amerika Quşma Ştatları belän geostrategik köndäşlege häm töbäk kiyerenkelege (киeрeнкeлeгe) köçäyä barğan waqıtta başlanğan Rusiya-Ukraina suğışınıñ Pekin citäkçelegen Mäskäw belän yaqınaytuı kürenä.