"Êris" (Эris) bik tiz tarala
Ul - "Kovid19"nıñ yaña variantı
"Kovid-19"nıñ yaña variantı bulğan EG.5 yäki "Êris" (Эрис-Эris) böten dönyağa bik tiz tarala.
Bu yaña koronavirüs töre "Omikron"nıñ sub-variantı bularaq berençe tapqır ağımdağı yılnıñ fevralendä terkälde.
Belgeçlär "Êris" (Эris) ğomumi xalıq sälamätlegenä qurqınıç tudırmıy dilär.
Bötendönya sälamätlek saqlaw oyışması anı “qızıqsınu uyatqan”, iğ’tibarnı cälep itkän” variant dip belderde.
Simptomnarı: temperatura kütärelü, baş awırtu, muskullar awırtu, qaltıranu, aru.
"Êris" (Эris) 50 dän artıq ildä terkälsä dä, Amerika Quşma Ştatlarında östenlek itä häm barlıq "Kovid" oçraqlarınıñ 17%ın täşkil itä.
Angliyädä dä ildäge oçraqlarnıñ yaqınça 15 %ı aña turı kilä.
Ul Arcturustan soñ ikençe kiñ taralğan variantqa äylände.
Pandemiya başlanğannan birle "Kovid-19" 2023 nçe yılnıñ 9 nçı avgustına 769 millionnan artıq keşene zararladı häm yaqınça 7 million keşeneñ ğomere özelde.
Bäyläneşle xäbärlär
Bayden ulı öçen yarlıqaw wäqaläten qullandı
Xanter Bayden salım yäşerü häm qoral alğanda qanun bozuda ğayeplände
