Tämäke yıl sayın 8 millionnan artıq keşene yaqtı dönyadan alıp kitä

Bu xaqta Bötendön’ya sälamätlek saqlaw oyışması xäbär itä

2020609
Tämäke yıl sayın 8 millionnan artıq keşene yaqtı dönyadan alıp kitä

Dön’yada yıl sayın 8 million 700 meñ keşe tämäke tartuğa bäyle ğomeren yuğalta.

Bu xaqta Bötendön’ya sälamätlek saqlaw oyışmasınıñ tämäke êpidemiyäse turındağı 9 nçı xisabında citkerelä.

Xisapta äytelgänçä, tämäke tartuçılarnıñ yartısı diyärlek ülä.

 Tämäke yıl sayın 8 millionnan artıq keşene yaqtı dön’yadan alıp kitä. Alar arasında üzläre tämäke tartmağan, läkin passiv räweştä anıñ tötenenä duçar bulğan 1 million 300 meñ keşe bar. 

Dön’yada 1 milliard 300 million tämäke qullanuçılarnıñ yaqınça 80%ı urta häm az keremle illärdä yäşi.

2020 nçe yılda dön’ya xalqınıñ 22,3%ı tämäke qullanğan, bu kürsätkeçneñ 36,7%ı ir - atlarğa, 7,8%ı xatın - qızlarğa turı kilä.

Xiasapta Bötendön’ya sälamätlek saqlaw oyışmasınıñ tämäke kontrole qısa kileşüe qısalarında soñğı 15 yılda tanıtqan tämäke tartuğa qarşı köräş strategiyäse yärdämendä tämäke qullanunıñ kimüe äytelä.

Şulay uq Bötendön’ya sälamätlek saqlaw oyışmasına äğ’za illärneñ 2003 nçe yılda tämäke kontrole qısa kileşüe qabul itüläre häm xäzerge waqıtta 182 ilneñ bu kileşüdä qatnaşuı citkerelä.



Bäyläneşle xäbärlär