Pol'şada iñ zur rus şımçı çeltäre yuq itelde
Şımçı çeltäreneñ Kreml’ tarafınnan Pol’şanı totrıqsızlaştıru öçen terrorçı höcümnär oyıştıru niyätennän tözelüe alğa sörelä
Pol’şa Rusiyä xärbi küzätü oyışması öçen êşläwe uylanıluçı häm ildä moña qadär kürelgän iñ zur şımçı çeltäre äğ’zalarınıñ êläkterelüen belderde.
Pol’şa saqlanu ministrı Mariuş Blaşçak däwlät radio kanalına interv’yusında äytkänçä, ildä êşçänlek alıp baruçı rus şımçı çeltäre general’ prokuratura häm êçke iminlek oyışması tırışlığı belän yuq itelde.
Ministr şımçı çeltäreneñ Kreml’ tarafınnan Pol’şanı totrıqsızlaştıru öçen terrorçı höcümnär oyıştıru niyätennän tözelüen alğa sörä. Ul monı “Rusiyä imperiyäsen tereltü omtılışı” bularaq bäyäläp, ile öçen nindi yanaw buluın belülären asszıqladı.
Mariuş Blaşçak Rusiyäneñ “Vagner” törkemennän berniçä meñ yallı suğışçınıñ Belarus’qa kitüeneñ dä Pol’şa öçen yanaw buluın belergä kiräklegen äytä. Ul ilneñ milli iminlek häm saqlanu êşläre komitetınıñ risklarnı küzdän kiçerüen belderde.
