İtaliyadä qızular arqasında qızıl sörän

İtaliyadä êsse hawa dulqını arqasında qızıl sörän salınğan şähär sanı arttırıldı.

Hawa cılılıqlarında risk däräcäsen 4 töstäge kategoriyadä bilgeläwçe Sälamätlek saqlaw ministrlığı iñ yuğarı risknı añlatuçı qızıl kategoriyadäge şähär sanın 17gä kütärde.

Ministrlık bügenge kön öçen 20 şähärdä qızıl töstä sörän saldı, irtägä öçen bu kategoriyağa 23 şähärne aldı. Şul räweşle ildäge 27 zur şähärdän 23endä hawa cılılığı söräne iñ yuğarı däräcägä citkerelde.

Räsmi zatlar qızularnıñ barı tik olı yäş’täge, bala-çağalar, xastalar häm yaqlawsız törkemnär öçen tügel, ä böten xalıqqa yanawı mäs’äläsendä kisätü yasadı.

Könneñ iñ êsse sägät’läre bulğan 11.00-18.00 arasında uramğa çıqmasqa, küp sıyıqlıq êçärgä häm ciläk-cimeş aşarğa kiñäş itte.

Bu atnada könbatıştağı Sardiniya utrawında 47-48 däräcä, kön’yaqtağı Siŝiliya utrawında 45-46 däräcä häm kön’yaq-könçığıştağı Apuliya töbägendä 45 däräcäneñ kötelüe matbuğatqa çağıldı.

Başqala Rimda kiçä 40 däräcä bulğan qızularnıñ bügen 43 däräcä citüe kötelä.