Şol’ś belän Zelenskiy söyläşte

İke lider telefon äñgämäsendä Ukrainadağı säyäsi, xärbi häm gumanitar xälne qaradı

2006677
Şol’ś  belän Zelenskiy söyläşte

Germaniyä xökümäte räise Olaf Şol’ś Ukraina däwlät başlığı Volodimir Zelenskiy belän telefonnan söyläşte. Bu xaqta nemeś xökümäte süzçese Steffen Xebestrayt yazmaça belderü yasadı. Anda citkerelgänçä, ike lider telefon äñgämäsendä Ukrainadağı säyäsi, xärbi häm gumanitar xälne qaradı.

Kanśler ileneñ Ukrainağa qaqşamas teläktäşlegen tağın ber qat belderde. Ul Germaniyäneñ awrupalı häm xalıqara berlektäşlär belän xärbi häm başqa törle yärdämnären däwam itäçägen assızıqladı.

Zelenskiy, awır qorallar birep, Ukrainanıñ, bigräk tä, hawadan saqlanuın köçäytergä bulışuı öçen Germaniyä xökümätenä räxmät äytte.

Şol’ś häm Zelenskiy global’ azıq-tölek täêminatın yaxşırtuğa yärdäm itkän Qara diñgez aşlıq koridorı kileşüeneñ 17nçe iyül’dä yañartılıp däwam itüe telägen citkerde.

İke lider monnan soñ da tınıç çişeleşkä ğomumi teräk bulu maqsatınnan konstruktiv söyläşülärne däwam itärgä häm yaqın êlemtädä torırğa kileşte.



Bäyläneşle xäbärlär