"Qor’änne xörmät itmäw - Rusiyädä cinayät'"

Rusiya Federaśiyäse däwlät başlığı Vladimir Putin qayber illärdä Qor’änne xörmät itmäwneñ cinayät’ dip sanalmawın belderep, “Bezneñ ildä bu Konstituśiya nigezendä dä, cäza kodeksı buyınça da cinayät’” dide.

Putin Dağıstannıñ Derbent şähärendä buldı.

Ul Derbentnıñ tarixi mäçetendä bulıp, Dağıstan möselmannarı wäkilläre belän oçraştı.

Vladimir Putin möselmannarnı Qorban bäyräme belän qotladı, aña Qor’än büläk ittelär.

Vladimir Putin büläk öçen räxmät äytep bolay dide: “Qor’än Kärim möselmannar öçen izge häm başqalar öçen dä üzge bulırğa tiyeş. Bez beläbez, başqa illärdä aña başqaça qarıylar. Alar keşelärneñ dini xislären xörmät itmilär häm bu cinayät’ tügel dilär. Bezneñ ildä bu Konstituśiya nigezendä dä, cäza kodeksı buyınça da cinayät’. Bez härwaqıt qağıydälärne ütäyäçäkbez”,- dide.