Prigojinnıñ cinayät' êşe yabıldı
“Vagner” yallı ğaskär törkemeneñ citäkçese Yevgeniy (Евгений) Prigojinğa qarata cinayät’ êşe 23nçe iyün’dä açılğan ide
Rusiyä idaräsenä baş kütärgän “Vagner” yallı ğaskär törkemeneñ citäkçese (Евгений Пригожин) Yevgeniy Prigojinğa qarata açılğan cinayät’ êşe yabıldı. Bu xaqta ilneñ Federal’ iminlek xezmäte FSB belderü yasadı.
Prigojinğa qarata cinayät’ êşe 23nçe iyün’dä açılğan ide. Belderüdä äytelgänçä, 24nçe iyün’dä fetnädä qatnaşuçılar cinayät’çel ğamällärennän baş tarttı.
“Älege xäl häm tikşerü prośessı (процессы) öçen ähämiyätle başqa şartlar iğ’tibarğa alınğannan soñ 27nçe iyün’dä cinayät’ êşen yabarğa qarar çığarıldı” diyılde anda.
Rusiyä saqlanu ministrlığınnan yasalğan belderügä qarağanda, “Vagner”dağı xärbi texnikarnı Rusiyä qorallı köçlärenä qarawçı berleklärgä tapşıru öçen äzerleklär bara.
Bäyläneşle xäbärlär
Tramp berençe qararnamälärgä qul quydı
Ul ilbaşı wazıyfasına kereşü tantanasınnan soñ qararnamälär imzaladı
Tramp Ğazzädä utnı tuqtatuğa şiklänep qarıy
Ul bu xaqta jurnalistlarnıñ sorawlarına cawap birgändä citkerde